شهد الرئيس عبد الفتاح السيسي، اليوم الأحد الموافق 27 من سبتمبر، مجمع التكسير الهيدروجيني لإنتاج المنتجات البترولية وعددا من المشروعات القومية بقطاع البترول بمسطرد.
وقال “السيسي” خلال مداخلة أثناء استعراض رئيس الهيئة الهندسية للقوات المسلحة، اللواء أركان حرب إيهاب محمد الفار، خلال الافتتاح، إن إنشاء الكباري يحل مشكلة كبيرة في الزحام، مؤكدًا على أن الحركة المرورية تحت الكباري الجديدة سوف تكون انسيابية وسهلة ويسيرة.
الكباري الجديدة والعاصمة الإدارية
وأضاف: “إحنا لما بنعمل كوبري 1600 متر بنحافظ على شكل الحركة تحت منه ولو شوفنا الفاصل بينه وبين العمارات هنلاقيه 2 متر و3 متر ومقدرناش نعمل غير حارتين، بس مع الحارتين اللي تحت يبقى عملنا 4 حارات على دورين”، وتابع: “عملنا كل ده في 6 شهور بس ووسط كتلة سكنية وكل ما بننجز بشكل أسرع بنريح الناس، وهتلاقي كل الشوارع اللي عملناها التوسعة تلاقي العربيات راكنة تحت البيوت ومفيش جراجات فكنا ممكن نسيب الناس كدة وتتعذب”.
وأكد على أن الدولة أنفقت حوالي 380 مليار جنيه على العاصمة في السبع سنوات الماضية، قائلًا “القاهرة واخدة 380 مليار جنيه فى 7 سنين، غير الكلام اللى بيتعمل دلوقتي، لو كان في خلال السبع سنين مش محتاجين نصرف الأرقام دى جوه العاصمة، كنا هننفقه في مدينة تانية”.
وأضاف “أجهزتنا والمسؤولين عن التخطيط كانوا غير منتبهين ومتاخدين في المشاكل اليومية، لكن الرؤية والتصور اللي بيتم تنفيذه مش موجود، ووصلنا إننا عشان نحل مشكلة داخل شرق القاهرة بنعمل 50 كوبري”.
مساكن تليق بالمصريين
وأشار خلال كلمته إلى أنه يرغب في تسكين المصريين في أماكن تليق بهم قائلاً”احنا هنعمل كل حاجة وعاوزين الناس تسكن في أماكن تليق بها، علشان المنفعة العامة”.
وتابع “مفيش حاجة على حساب المواطن، وأي حاجة هنشيلها أو ساكن موجود ويتم إزالة مسكنه هيتم تعويضه، لأن في ناس كل هدفها التشكك وتقول كلام وبيصطادوا في المياه العكرة، علشان كدة بدأنا في خطة التطوير”، مشدصا على أن ذلك لمصلحة المواطنين ورغبة في تخفيف الأعباء عنهم.
قنوات الإرهاب
وشكر الرئيس جميع المصريين على تحملهم الظروف الصعبة وإثباتهم مدى ثقتهم في الدولة والحكومة، وأكد على أنهم لا يمكن خداعهم أبدًا بالكلام، قائلًا “الشعب والدولة حاجة واحدة ومحدش هيقدر يدخل بيننا، مصر بخير عشان ربنا حامينا وعشان شعبها متحمل”.
وتابع “أن قنوات الإرهاب تحاول بشتى الطرق هدم الدولة، لكن المصريين دائمًا ما يثبتوا أنهم أصحاب وعي”.
الإعلام والتعليم أهم أدوات التنوير
ووجه رسالة للإعلام المواطنين قائلًا “بقولها للإعلام والمواطنين، هو ده الحال نصلحه ولا نسيبه طب على حساب الناس ولا الدولة اللي هي شعب مصر، والثمن اللي بيتم دفعه بيتحمله الشعب المصري كله أنا دايما براهن على المصريين، وأنا بشكر المصريين، واستغلوا المواقف الصعبة وإحنا إما نعمل يا إما نسكت ونشوف المنظر ده أو منسكتش ونعمل ونصلح وهما بيختاروا الظروف الصعبة علشان يشككوا في المصريين ويسيئون للمصرييين”.
وتقديرًا لدور الإعلام والتعليم قال إنهما من أدوات التنوير الحقيقية، مضيفًا: “أنتم الأساس الحقيقي لبناء أولادنا، وحصنوا أولادنا علشانا إحنا مش عشاني وعلشان الناس يكون لهم مستقبل”.
وتابع “كام دولة راحت لكن ربنا قال مصر لا مش هتروح لأنه بيحميها ويعينها ويقويها ويطورها ويكبرها بصبر وتحمل وفهم ووعي المصريين للحكاية.. وكام دولة كدة في منطقتنا راحت اشمعنا مصر يعني، وبكرر الكلام وكلنا هنكرره في المسجد والكنيسة ومجلس الشعب والمحافطة من أجل الحفاظ على الدولة والناس”.
وتابع “السيسي”: الناس محدش يقدر يخدعها حتى وهما تعبانين وإن إحنا ماشين في مسار إصلاح وبناء والناس متفهمة ده وكل الناس عارفة كدة وبفضل الله عدينا وحققنا إنجازات، وبفضل الله عدينا، والدنيا كلها بتقول إن مصر في كل الظروف كورونا، والسياحة المتوقفة والتجارة الدولية المتوقفة، ومصر ما زالت بخير لأن ربنا وشعبها حاميها وطالما في استقرار هنقدر نعمل كدة، والتطور توقف بسبب أحداث 2011 ومجمع زي ده حجم بحجم الفوائد في السولار والبنزين توقفت بسبب حركة عدم الاستقرار علشان الناس تفهم ليه هما عاوزين أن الناس يحركوا الناس بكلام زي واخدين حقوقكم ومضيعينكم وبقولهلكم”.
وتأكيدًا منه على وحدة الشعب والدولة قال “الرهان عليكم لأنكم فاهمين وصابرين واللي بيتعمل في مصر والشعب والدولة حاجة واحدة، وزي ما قولت رهاني على الناس وخلال السنين اللي فاتت كان الرهان كسبان لسبيين لأننا بنصلح في الارض ولو بفسد كنت أخاف”.
ووجه الحكومة باستمرار صرف معونة العمالة المؤقتة “500 جنيه شهريا” حتى نهاية العام، وهي الإعانة التي تقرر صرفها في بداية أزمة فيروس كورونا المستجد.
وأكمل “مجمع التكسير الهيدروجيني بمسطرد ده أتاخر بسبب الأحداث اللي وقعت في مصر ومشاريع كثيرة في الدولة حصل لها توقف أو أصبحت خارج نطاق العمل بسبب محالات التخريب من بعض الأشخاص”.
سرعة إنجاز اشترطات البناء
“السيسي” طالب الحكومة ومؤسسات الدولة بسرعة إنجاز اشتراطات البناء بشكل سريع، حتى يبدأ كل شخص في عمله على أن يكون بنظام، مؤكدًا على أن نظام البناء المعمول به سابقًا كان يحتاج إلى تطوير.
وحذر المصريين من تعريض بلادهم للدمار قائلًا “اوعوا يا مصريين ويا مواطنين في أي دولة توصلوا بلادكم للخراب والدمار لأن اللي بيعمل كدة، تفتكروا ده مفسد ولا مصلح ولا يمكن الله يقبل ده وعلشان كدة مصر هتفضل مصر”.
السيسي: نحترم التزاماتنا مع القطاع الخاص
وقال إن الدولة تحترم القطاع الخاص المصري، وكذا تحترم التزاماتها معهم، موضحًا:”سعداء لمشاركتكم ومستعدون لدعمكم وتشجيعكم، وبنقولهم تعالوا معانا وبنحترم التزامنا معاهم لأنهم مصريين شرفاء، ومحتاجينهم للمشاركة في بناء الاقتصاد، عاوزين مزيد من المشروعات عشان نشغل الناس ونديهم أمل”.
وذكر أن الدولة تضع خطة للأراضي الموجودة داخل العواصم والمراكز الرئيسية في المحافظات خلال الفترة المقبلة، متابعًا “هندخل الأراضي ونبني عليها ونوفر لهم سكن من أجل النمو”، لافتًا إلى أنه يمكن أن يصل الأمر إلى 500 ألف وحدة سكنية في العام الواحد.
وأشار إلى أنه هناك دول وصلت أعداد كورونا فيها لـ10 آلاف يوميًا على الرغم من إجراءات الوقاية قائلًا “في دول وصلت لـ5 و10 آلاف حالة إصابة بكورونا بالرغم من طرق الوقاية، من فضلكم خلوا بالكم من النجاح إللي اتحقق ونستمر عليه، بنتابع مستشفيات التأمين الصحي والحميات لو محتاجة حاجة نجهز نفسنا قبل حدوث أي شيء”.
وعن المؤامرات الخارجية على مصر قال: “بيقولوا لنا عاوزين تبقوا أوبك الغاز في المنطقة، يعني عاوزين مصر تبقى منظمة الغاز في المنطقة، لا بقى مش هنسيبكم، بيقولوا كدة.. احنا بنرد عليهم وبنقول ربنا موجود، وكل اللي نقدر عليه هنعمله، الرئيس والحكومة والمواطنين، وإن شاء الله نستمر في جهودنا، الاستثمار في قطاع البترول والنهوض به تكلف تريليون و200، آه طبعا مصر فيها 100 مليون مواطن، ملف الكهرباء تطويره تكلف تريليون وشوية، والنقل أيضًا”.
وتابع: ” مصر كدة علشان أهلها طيبين، ومصر كدة علشان مصر كدة، بنحرم نفسنا من لقمة علشان بلدنا، وخلال الشهور القادمة سيتم الإعلان عن عدد من المشروعات وكل المشروعات دي مطلعتش بالصدفة ولكن بدراسة”.
