أعلن الرئيس عبد الفتاح السيسي، اليوم الثلاثاء، نيّة الحكومة زيادة ثمن رغيف العيش.

وقال السيسي، أثناء فعاليات افتتاح المدينة الصناعية الغذائية سايلو فودز بمدينة السادات: “آن الأوان لزيادة ثمن رغيف الخبز.. مينفعش يكون ثمن 20 رغيفًا يساوي سيجارة”. واعترض، بشكل مستنكر، عن بقاء سعر رغيف الخبز لمدة 30 عامًا.

وتابع: “الناس ممكن تقولي بلاش تتكلم في القصص دي، وخلي الحكومة هي اللي تقول. لأ، مقدرش أخلي سعر رغيف العيش بعملة الناس متعرفهاش، مفيش حاجة اسمها صاغ”.

وتابع: “محدش يقولي متقربش لسعر الرغيف.. هقرب، احنا مأمونين على مصائر المواطنين وحياتهم، ومفيش حاجة بتفضل على حالها لمدة 30 سنة”. وأكد أن الأطفال لا يعلمون عملة رغيف الخبز، في إشارة إلى الـ 5 قروش.

وأضاف: “مفيش حاجة تثبت على حالها بهذه الطريقة على مدى 20 و30 سنة.. هقرب من رغيف العيش وبقولها على الهواء للعالم كله.. لأننا ناس جادين وشرفاء وأمناء.. وكمان نحمل أمانة الحفاظ على حياة الناس ومستقبلها.. هنا احنا مش بنأمن الجلوس على الكرسى.. احنا نحمل أمانة مصائر البلاد”.

وتابع السيسي: “الـ 8 مليارات جنيه الخاصة بالتغذية لازم يتوفروا.. واحنا بنعمل برنامج (حياة كريمة) لتطوير الحياة داخل الريف.. ولازم يكون فيه عطاء متوازن.. أنا مش بتكلم على رقم كبير ولا حاجة”.

وفي فبراير الماضي، جرى تداول أنباء عن نيّة الحكومة رفع سعر رغيف الخبز المدعم. لكن المركز الإعلامي لمجلس الوزراء نفى الأمر. وأكد استمرار صرف رغيف الخبز المدعم على بطاقات التموين بـ5 قروش فقط. على أن تتحمل الدولة فارق التكلفة بين سعر البيع وسعر الإنتاج الحقيقي.

وتبلغ فاتورة الدعم التمويني 84 مليار جنيه، تشمل 42.5 مليار لدعم الرغيف بعد ارتفاع تكلفته إلى نحو 67 قرشا. بينما يباع بسعر 5 قروش للمستهلك وتتحمل الدولة نحو 62 قرشا فارق التكلفة. بحسب الموازنة العامة للعام الحالي 2020-.2021.

المواد ذات الصلةأكثر من مؤلف